As nosas veciñas, protagonistas no documental ‘Mulleres de Castelo’.
As nosas veciñas son as protagonistas deste traballo documental colaborativo dirixido por Hadriana Casla. O proxecto arrincou o pasado ano e, desde entón, as mulleres de Castelo participaron en diferentes encontros, obradoiros e entrevistas dos que nace ‘Mulleres de Castelo’.
A Eira do Ferrador será o lugar da estrea dun traballo que levará polo mundo as historias de Julia Reboredo Grela, Maruxa Martínez, Rosa de Seijo, Maruja Sanchez, María Concheiro, Pilar Torreiro Grela, Mercedes García, Pilar Rodríguez, Maria de Sánchez, Maria José Cañas, Esther Pardo Vecino, Carmen Marta e Pepita.
